Cuplikan Adegan GERR

ORANG BERHAPE NELPON DITELPON UMUM

A : Waduh, yok opo iki? Jik suwe tah? Salah jik akeh sing antri sisan. Wooi, cepetan rek.
B : Iyo, koyok nggone de’e dhewe ae.
C : Hei, cepetan thithik po’o. Mbok kiro iki telpone mbahmu tah?
D : Iyo iki, kemaruk kok arek iki.
E : He-em, ancen mayak kok. Aku iki wis ngenteni ket maeng kok gak mari-mari olehe de’e nelpon.
F : Yok opo se, kok yo gak rumongso lek iku ngono fasilitas umum, gak te’e dhewe. Iki ngono jaman demokrasi, jaman keterbukaan, jaman globalisasi, gak entuk sak karepe dhewe koyok ngono.
C : Iyo bener ning. Gurung tau rasane direpotno nang KOMNAS HAM, KPK, MK be’e arek iki. Sakkarepe dhewe dhadhakno.
D : (emosi) Hei jancuk, cepetan cuk. Aku yo onok perlu telpon, gak awakmu tok.
E : Sakjane de’e iku telpon sopo se kok sawangane gak entek-entek. Opo ae sing diomong barek arek iku?
F : Halah kesuwen, wis saduk-en ae arek iku.
G : Opo ae se rek. Pengen nggae telpon iki tah? Yo gae-en lho, wong atase karek nggae. Ngono ae athik bengak-bengok.
(TERNYATA SI “G” INI DARI TADI TELPON DENGAN HPNYA)

====================================================

CEK DOWONE

Mbah Sogol rodho’ kesusu mblayu nang sumur, jange nglugurno “bom” karepe. Tibake jik kudu antri pisan, gantian karo Ning Darmi sing wis tuwek tapi jik kemecer ae gayane, uendel pol.
Sogol : Hei cepetan, iki gudhuk jedingmu dhewe.
Dhidien : Iyo iyo Cak, atase ngono ae gayane koyok jange onok perang.
Sogol : Wis disiram gurung? Ambune iku lho.
Dhidhien : Gurung, iku mau banyune entek, siramno sisan yo.
Sogol : Masya Allah, tuwek-tuwek yo nggilani.
Ndelok jedhing diluk tibake ancen gak onok banyune. Akhire kudu ngangsu dhewe. Gak kathik nginguk sumur mbah Sogol langsung ae ngerek tali sumure.
Sogol : Yok opo rek, rek, jare iki jaman wis merdeka. Tapi jenenge golek banyu ae jik leren ngangsu dhewe. Negoro macem opo iki?
Suwe dienteni kok gak ndang njemunuk timbone. Akhire gak srantan tali sumure mau ditarik kabeh, ealah tibake taline nyambung dadi situk.

====================================================

NJENGGONG-O DHISIK

Cak Sogol : Yok opo sidone hasile pilgub jatim sing digowo nang MK wingi Cak?
Dul Gemuk : Gayamu athik takok pekoro MK barang, atase podho mlarate ae. Lapo takok iku, gak kiro ngefek nang awakdhewe.
Sogol : Ojok ngono, Cak. Iku lak kanggo kemajuane rakyat pisan. Ojok-ojok peno wingi golput yo? Ojok golput lho Cak.
Dul Gemuk : Golput entutmu iku. Ngene-ngene aku melok nyoblos rek.
Ndik ngarep omahe Pak RT moro-moro asune Pak RT njenggong, yo jelas ae njingkat saking kaget-e. Sogol njukuk watu terus nyawat asu iku. Pas kenek, mesthi ae kaing-kaing. Gak suwe Pak RT metu terus langsung misuhi arek loro iku.
Pak RT : Hei, dobol, lek wani ojok nyawat asune, iki lho, sawaten juragane !
Dul Gemuk : Walah, juragane ngamuk, Gol. Ayok mblayu ae, timbang gembuk awakdhewe digepuki wong sak kampung.
Sogol : Lapo athik wedhi barang iku, tenang ae, tak dhedhepine. (kepada Pak RT) Hei pak, lek sampeyan pingin tak sawat, yo njenggong-o dhisik lho Pak, ngono ae kok repot.
Pak RT : Ohhh, ancen arek kurang ajar iku.

====================================================

TAK ONGKEK-E

Suami : Wis ning yo, aku tak budhal dhisik. Engko selak dienteni barek cak Abbas iki, aku jarene jange dike’i garapan gedhe.
Istri : Nggarap opo, cak?
Suami : Yo nggarapsari, sari lak gedhe, hehehe.
Istri : Onok onok ae peno iku cak.
Suami : Lek gak onok gudhuk cacakmu. Wis, sing ati-ati njogo omah, jaman saiki akeh wong sing duwe ati elek, lek moto kadung peteng, gak ngurus bah iku jik dulur yo disapu ae. Wis tak budhal, kok malah ngecemes ae ndik kene.
(SUAMI NAIK SEPEDA MOTOR MAU BERANGKAT LALU DIPANGGIL ISTRINYA)
Istri : Lho cak cak, peno budhal iku gak jaketan tah?
Suami : Walah, iyo, lali aku. Kene tak gaene.
Istri : Lek nggae jaket ngene, sampeyan gak kiro masuk angin dadi aku engkok gak soro.
Suami : (JAKET DIPAKAI TERBALIK) Tulung slerekno ning.
Istri : Wis tak slerekno, ati-ati ndik dalan. Sampeyan eling, matane iku lho, ojok pecicilan ae, ojok ndlereng ae. Engkok gara-gara ndelok cewek nggarai ciloko.
Suami : Wis yo, assalamualaikum.
Istri : Wa alaikum salam.
(DALAM PERJALANAN TERJADI KECELAKAAN KARENA SUAMI MENGGODA CEWEK YANG SEDANG BERJALAN DAN DIA JATUH TERTELUNGKUP)
Seseorang A : Waduh, kok ndase malih kualik. Sik minggir-o, kene tak ongkek’e.
Seseorang B : Lho cak cak, wong iku……
Seseorang A : Wistalah, aku wis biasa ngadhepi kedadeyan koyok ngene iki, tenang ae talah, gak usah melok-melok.
Seseorang B : Gak, gak ngono, de’e iku……..
Seseorang A : Dikandhani kok cek angele se, tak kampleng pisan, dadi gudir koen.
(KEPALA SUAMI DIBALIK MENGHADAP KEATAS YANG MALAH MEMATAHKAN LEHERNYA)
Seseorang A : Lho lho, kok malah cuklek ndase?
Seseorang B : Peno iku jange tak kandhani lek sing kuwalik iku gudhuk ndase, tapi jakete………
Seseorang A : Hahh?????

====================================================

OJOK KENDAT

Ndelok Ning Darmi jange ngalungno lawe nang gulune ambek geru-geru, Cak Sogol langsung mblayu marani.
Sogol : Lho Ning, ojok ngono talah. Lapo jange kendat iku?
Darmi : Sopo sing jange kendat? Wong aku jange mepe klambi kok.
Sogol : Lha terus, lapo athik nangis lho?
Darmi : Gak nangis yok opo, wong tanganku sampek kiyu gara-gara umbah-umbah klambi sakmene akeh-e. Deloken tah, sampek biru kabeh tanganku.
Sogol : Walah Ning, ngono ae sampek nangekno wong sak kampung…..

====================================================

GAK ENTUK DODOLAN “S”

Lagi rame-ramene ngedholi wong tuku es nang rombonge, Cak Krendil diparani barek Satpol PP. yo mesthi langsung ngacir wong-wong sing podho tuku ndik kono.
Satpol PP : Hei, awakmu eruh gak salahmu opo?
Krendil : Opo lho, Pak?
Satpol PP : Gak entuk dodolan es ndik kene!
Krendil : Opo buktine Pak? Wong gak onok larangane kok.
Satpol PP : Lha iku opo? Onok tondho hurup “S” dipalang iku artine gak entuk dodolan es ndik kene, ngerti gak koen?
Krendil : Oalah, Pak, sing goblok iku aku tah peno.

====================================================

DILARANG BERJUALAN DI SEPANJANG JALAN INI

Satpol PP : Hei, kamu nggak tahu apa kalau tidak boleh jualan disini ?
Mayank : Kata siapa Pak ndak boleh jualan disini ?
Satpol PP : Lha dibelakangmu itu kan ada rambu. Tulisannya jelas, “DILARANG BERJUALAN DI SEPANJANG JALAN INI”. Kamu itu buta atau pura-pura nggak bisa baca ?
Mayank : Aku ini ndak buta, Pak. Aku yo ndak pura-pura ndak bisa baca. Tapi aku nggak ngrasa nglanggar aturan. Justru sampeyan itu yang harusnya sekolah lagi.
Satpol PP : Lhe, yok opo se ? Wong awakmu sing salah kok malah ngilokno aku iku lho ? Elek-elek ngene, aku yo tau mangan bangku sekolahan, rek.
Mayank : Padane rayap ae mangan bangku sekolahan.
Satpol PP : Gak usah nylimur. Wis, pokoke awakmu salah.
Mayank : Salah gimana, Pak ? Tulisannya kan “DILARANG BERJUALAN DI SEPANJANG JALAN INI”. Wong aku lho ndak jualan di sepanjang jalan ini, Pak. Aku kan jualan di “selebar” jalan ini.
Satpol PP : Ohh, ancen bakul sarap iku.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s


%d blogger menyukai ini: